Vinaora Nivo SliderVinaora Nivo SliderVinaora Nivo SliderVinaora Nivo Slider
एसी डबल डेकर सुरू
पर्यटनविषयक बातम्या
Friday, 22 August 2014 05:49

एसी डबल डेकर सुरू

गणेशोत्सवासाठी कोकणात जाणा-या भक्तांकरिता प्रिमियम एसी डबल डेकर विशेष रेल्वे सेवा सुरू करण्यात आली आहे. मध्य रेल्वेच्या कोकणला जाणा-या नेहमीच्या गाड्यांवरील गर्दीचा ताण कमी करण्यासाठी ही सेवा सुरू करण्यात आली आहे. आज (शुक्रवारी) कोकणसाठी पहिली प्रिमियम एसी डबल डेकर धावली. ही गाडी पहाटे साडेपाच वाजता लोकमान्य टिळक टर्मिनस (कुर्ला टर्मिनस) येथून सुटली. एसी डबल डेकरला लोकमान्य टिळक टर्मिनस, ठाणे आणि पनवेल असे थांबे देण्यात आले आहेत; पनवेल नंतर गाडी कोकणच्या दिशेने वेगाने प्रवास सुरू करेल आणि आजच दुपारी साडेचार वाजता करमाळी येथे पोहोचेल, असे रेल्वे प्रशासनाने सांगितले.

आजच्या प्रमाणेच प्रिमियम एसी डबल डेकर (गाडी क्र. ०२००५) गाडी २४, २६, २८, ३० ऑगस्ट तसेच १, ३, ५, ७, ९ सप्टेंबर रोजी पहाटे साडेपाच वाजता लोकमान्य टिळक टर्मिनस (कुर्ला टर्मिनस) येथून सुटेल आणि त्याच दिवशी दुपारी साडेचार वाजता करमाळी येथे पोहोचेल, अशी माहिती रेल्वे प्रशासनाने दिली. परतीसाठी प्रिमियम एसी डबल डेकर (गाडी क्र. ०२००६) गाडी २३, २५, २७, २९, ३१ ऑगस्ट तसेच २, ४, ६, ८, १० सप्टेंबर रोजी करमाळी येथून सकाळी सहा वाजता सुटेल आणि त्याच दिवशी संध्याकाळी साडेपाच वाजता लोकमान्य टिळक टर्मिनस (कुर्ला टर्मिनस) येथे पोहोचेल.

कोकणसाठीची प्रिमियम एसी डबल डेकर लोकमान्य टिळक टर्मिनस (कुर्ला टर्मिनस), ठाणे, पनवेल, चिपळूण, रत्नागिरी, कणकवली आणि करमाळी या स्टेशनांवरच थांबेल. या गाडीसाठी फक्त ऑनलाइन पद्धतीनेच आरक्षण करता येणार आहे. प्रिमियम एसी डबल डेकर गाडीला आठ एसी डबल डेकर डबे, एक एसी खानपान डबा (पँट्री कार) आणि दोन जनरेटर कम गार्ड व्हॅन असे डबे असतील; अशी माहिती रेल्वे प्रशासनाने दिली.


साभार - महाराष्ट्र टाइम्स

Facebook Image


place-to-visit  

 

 

 

Copyright © 2012 Mumbai Pune Online

Developed by Tech Rational

Powered by Analytics for Joomla