Vinaora Nivo SliderVinaora Nivo SliderVinaora Nivo SliderVinaora Nivo Slider
राणीच्या बागेत आता पेंग्विन …
पर्यटनविषयक बातम्या
Wednesday, 20 August 2014 04:19

राणीच्या बागेत आता पेंग्विन …

महापालिकेच्या वीरमाता जिजाबाई भोसले उद्यानाच्या (राणीबाग) आधुनिकीकरण प्रकल्पात पहिला पाहुणा म्हणून हम्बोल्ट पेंग्विन पक्षाचे आगमन होत आहे. केंद्रीय प्राणिसंग्रहालयाने पालिकेला २० पेंग्विन आणण्याची परवानगी दिली असून पहिल्या टप्प्यात पेंग्विनच्या तीन जोड्या आणण्यात येणार आहेत.

महापालिकेने राणीबागच्या आधुनिकीकरणाचा प्रकल्प हाती घेतला असून त्याचा मास्टरप्लान केंद्रीय प्राणिसंग्रहालयाने मंजूर केला आहे. प्रकल्पाच्या पहिल्या टप्प्यात एक्स्प्लोरेशन सेंटरचे काम हाती घेण्यात आले असून याच सेंटरमध्ये हम्बोल्ट पेंग्विन ठेवण्यात येणार आहे. परदेशातून पेंग्विन आणण्यासाठी कंत्राटदार नेमण्याचा प्रस्ताव आज, बुधवारी स्थायी समितीत मांडला जाणार आहे. हे पेंग्विन भारतात आणण्याचा खर्च सुमारे दोन कोटी ५७ लाख इतका असणार आहे.

 

प्राणिसंग्रहालयात नव्याने बांधण्यात आलेल्या एस्क्प्लोरेशन सेंटरच्या तळमजल्यावर विशेष पक्षीगृह तयार करण्यात आले असून यामध्ये पेंग्विनसाठी १०० चौ. मीटरचा पिंजरा बांधण्यात येणार असून त्यामधील निम्म्या जागेवर पाणवठा उपलब्ध करून देण्यात येणार आहे. तसेच या पक्ष्याला त्याच्या नैसर्गिक गरजा भागविण्यासाठी गुहा, बीळ व बसण्याकरीता मोठे दगड उपलब्ध करून देण्यात येणार आहेत.

Facebook Image


place-to-visit  

 

 

 

Copyright © 2012 Mumbai Pune Online

Developed by Tech Rational

Powered by Analytics for Joomla