Vinaora Nivo SliderVinaora Nivo SliderVinaora Nivo SliderVinaora Nivo Slider
गृहनिर्माणासाठी सहा हजार कोटींची तरतूद
प्रॉपर्टीविषयक बातम्या
Tuesday, 18 February 2014 18:11

गृहनिर्माणासाठी सहा हजार कोटींची तरतूद

- - सकाळ न्यूज नेटवर्क

मुंबई - यंदाचा अर्थसंकल्प हा अंतरिम अर्थसंकल्प असल्याने या अर्थसंकल्पापासून आपल्याला फार अपेक्षा नव्हत्याच, असा सूर गृहनिर्माण क्षेत्रातून व्यक्‍त होत असला, तरी देखील अंतरिम अर्थसंकल्पात पी. चिदंबरम यांनी गृहनिर्माण क्षेत्राकरिता सहा हजार कोटी रुपयांची तरतूद केली आहे. ही तरतूद प्रामुख्याने ग्रामीण भागातील गृहनिर्माण प्रकल्पांकरिता असली, तरी शहरी प्रकल्पांकरिता देखील दोन हजार कोटी रुपयांची अतिरिक्त तरतूद करण्यात आली आहे. 

 

गेल्या काही वर्षांमध्ये गृहनिर्माण क्षेत्राला उतरती कळा लागलेली आहे. आर्थिक मंदीची पार्श्‍वभूमी आणि अशाश्‍वत नोकऱ्या यामुळे नागरिक गृहखरेदी करायला धजावत नाहीत. परिणामी गेल्या वर्षभरात या क्षेत्राला अत्यंत वाईट परिस्थितीतून जावे लागले आहे, त्यामुळे त्या पार्श्‍वभूमीवर अर्थसंकल्पात काही ठोस पावले उचलणे अपेक्षित होते; मात्र पायाभूत सुविधांच्या विकासाकडेच अर्थसंकल्पात विशेष लक्ष देण्यात आले आहे, तर गृहनिर्माण क्षेत्राकडे दुर्लक्ष करण्यात आले आहे. असे असले तरी देखील गेल्या वर्षात केंद्र सरकारने गृहनिर्माण क्षेत्राच्या विकासाकरिता बरीच सकारात्मक पावले उचलली आहेत. 

 

गेल्या वर्षात बांधकाम क्षेत्रावर नियंत्रण ठेवण्याकरिता गृहनिर्माण नियामक प्राधिकरणाकरिता विधेयक देखील करण्यात आले आहे, त्यामुळे त्याचा बऱ्याच प्रमाणात सर्वसामान्य माणसाला फायदा होणार आहे. त्यामुळे अंतरिम अर्थसंकल्पात मात्र या क्षेत्राकरिता विशेष तरतूद होणे अपेक्षित नव्हतेच, असे मत या क्षेत्रातील तज्ज्ञांनी व्यक्‍त केले आहे. तरी देखील ग्रामीण भागातील गृहनिर्माण प्रकल्पांकरिता सहा हजार कोटी रुपयांची तरतूद अंतरिम अर्थसंकल्पात करण्यात आली असून, त्याव्यतिरिक्त शहरी गृहनिर्माण प्रकल्पांकरिता आणखी दोन हजार कोटींची तरतूद करण्यात आली आहे. या अर्थसंकल्पात शहरांसोबतच ग्रामीण भागाकडे देखील प्रामुख्याने लक्ष देण्यात आले आहे. 

 

""परवडणाऱ्या घरांच्या क्षेत्राकरिता सरकारने उचललेली सकारात्मक पावले या क्षेत्रात कामाला चालना देणारी आहेत, त्यामुळे तीन ते चार मेट्रोपॉलिटीयन शहरांमधील बांधकाम प्रकल्पांना वेग येण्याची शक्‍यता आहे.'' 

अनुज पुरी, अध्यक्ष, जॉन्स लॅंग लासेल, इंडिया

Facebook Image


place-to-visit  

 

 

 

Copyright © 2012 Mumbai Pune Online

Developed by Tech Rational

Powered by Analytics for Joomla